Karma, əsasən Şərq fəlsəfəsində yer alan və səbəb-nəticə prinsipinə əsaslanan bir anlayışdır. Ruhani, psixoloji və ya şüuraltı baxımdan fərqli izahları var.
1. Ruhani (Spiritual) Baxış:
Ruhani sistemlərdə karma, etdiyimiz hər bir hərəkətin və niyyətin gələcəkdə bizə qayıdacağını bildirir. Yəni, yaxşılıq edərsənsə, yaxşılıq qazanarsan; pislik edərsənsə, pislik geri dönər. Bu, bir növ energetik balans prinsipi kimi işləyir. Buddizm və Hinduizmdə karma təkcə bu həyatda deyil, eyni zamanda keçmiş və gələcək həyatları da əhatə edir.
2. Psixoloji Baxış:
Psixoloji nöqteyi-nəzərdən karma, insanların şüurlu və ya şüuraltı şəkildə öz hərəkətlərinin nəticələrini yaşaması deməkdir. Məsələn, davamlı neqativ düşünən və ya aqressiv davranan bir insan, zamanla eyni enerjini özünə cəlb edir. Bu, əslində beyin və psixologiyanın “öz-özünü yerinə yetirən proqnoz” prinsipinə əsaslanır.
3. Şüuraltı Baxış:
Şüuraltı səviyyədə karma, daxili inanclarımızın və keçmiş təcrübələrimizin bizi necə formalaşdırdığını izah edir. Əgər bir insan keçmişdə müəyyən travmalar və ya neqativ təcrübələr yaşayıbsa, bu, onun gələcək həyatında da təkrarlana bilər. Yəni, özümüzü necə proqramlaşdırırıqsa, elə də yaşayırıq. ThetaHealing, Access Bars kimi texnikalar şüuraltı karmanı dəyişdirmək üçün istifadə olunur.
Karmik Şəfa Nədir?
Karmik şəfa, keçmişdən gələn neqativ enerjiləri, şüuraltı blokajları və travmaları təmizləyərək insanın enerjetik balansını bərpa etmə prosesidir. Bu, həm fərdin indiki həyatına, həm də keçmiş həyatlarından gətirdiyi karmaya aid ola bilər.
Karmik Şəfa Necə İşləyir?
Karma, etdiyimiz hərəkətlərin və düşüncələrin nəticəsi olduğu üçün karmik şəfa da bu enerjiləri dəyişdirməklə baş verir. Bu proses müxtəlif yollarla həyata keçirilə bilər:
- Bilinçaltı İşləmə: ThetaHealing, Access Bars və ya hipnoterapiya kimi metodlarla şüuraltındakı köhnə proqramları dəyişdirmək.
- Enerji Şəfası: Reiki, prana şəfası və ya kristallarla enerji təmizlənməsi vasitəsilə neqativ karmanı azad etmək.
- Nəfəs Texnikaları: Transformasiyonel nefes terapiyası və pranayama kimi metodlarla karmik blokajları həll etmək.
- Meditasiya və Afirmasiyalar: Şüurlu niyyət qoymaq və meditasiya vasitəsilə enerjini dəyişdirmək.
Karmik Şəfanın Əlamətləri
- Təkrarlanan neqativ hadisələrin azalması
- Daxili sakitlik və emosional tarazlıq
- Münasibətlərdə və karyerada pozitiv dəyişikliklər
- Özünü daha yüngül və azad hiss etmək
